Más cuentos on line

Agora ye la editorial del Grupu Epona la que nos ufierta  unos cuantos cuentos. Tamién se puen descargar de baldre.
Equí tenéis l'enllaz:

Xeres pal tercer trimestre

Hola, escolines/os. 

Pa trabayar esti tercer trimestre en casa, propóngovos unes xeres rellacionaes col llibru "La vuelta al mundu n'ochenta díes". 

¡Que vos presten!

Más actividaes on line n'asturianu.

La Estaya de la Llingua d'Avilés programa'l ciclu La reciella en casa: “La cuarentena presta”.

Esti ye’l calendariu d’actividaes del ciclu La reciella en casa: “La cuarentena presta”:

• Llunes 6: Cuentacuentos ‘La cuyarapa Martina’, con Ana Morán.
• Martes 7: Cuentacuentos ‘La neña con ales’, con Borja Roces.
• Miercoles 8: Taller ‘Faciendo un llibru, dibuxamos y escribimos’, con Susana Sela.
• Xueves 9: Cuentacuentos ‘Risines’, con Ana Morán.
• Vienres 10: Taller de cómic, con Ruma Barbero.
• Sábadu 11: Mini conciertu, con David Varela.
• Domingu 12: Taller de ropa tradicional, con Susana Sela.
• Llunes 13: Taller de cómic II , con Ruma Barbero.

Tolos díes a les 12 hores.

Programa educativu "Educastur TV"

De llunes a vienres y de 10:30 a 11:30 hores nel canal A7 de la TPA y una hora más tarde nel A8, yá entamó a emitise un programa educativu qu'ufierta conteníos al alumnáu mientres la suspensión de l'actividá llectiva presencial pol estáu d'alarma.

Tamién se puede ver "a la carta" (en cualquier momentu, entrando na imaxe d'abaxo).

 Hai conteníos n'asturianu.

¡Animáivos a entrar!

Cuentos on line

Estos díes podemos lleer unos cuentos que nos regalen les editoriales Impronta y Pintar Pintar. ¡Que vos presten!

Pa deprender xugando

Si entráis nesta web vais atopar abondos xuegos, cuentos y más coses pa entretenevos mientres deprendéis asturianu.

Día de la Llingua Materna

A lo llargo la selmana del 9 de marzu celebramos el "Día de la Llingua Materna" nos pueblos del CRA. Verónica, la maestra d'Infantil de La Caizuela, preparónos esti videu. ¡¡Gracies!!