La Llingua nel CRA: 2020

5/12/20

Un amagüestu perespecial

El 27 de payares vivimos nel CRA un amagüestu diferente, ensin poder axuntanos como tolos años en La Caizuela. Pero nun quiximos dexar de facer delles xeres, como la del pregón de los escolinos/es de sestu que podéis ver equí:

2/7/20

El Pizarrín

Pa despidir el cursu publícase otru añu más la revista-anuariu del CRA "El Pizarrín", que yá va pel númberu 17 y qu'emplega l'asturianu na so mayor parte.
¡Que paséis un bon branu! ¡Vémonos en setiembre!

10/5/20

41 Selmana de les Lletres Asturianes

Esta selmana yera la prevista pa celebrar la fiesta de les nuestres lletres y el vienres 8 el Día de les Lletres. Por mor del confinamientu, esi día pásase al 2 d'ochobre d'esti añu.
Pero tamién podemos celebralu dende casa, gracies a esti regalu que nos fai la Oficina de la Llingua de Xixón, con unos cuantes llectures bien prestoses.

Xunta d'Escolines y Escolinos

El 29 d'abril los neños y neñes de quintu y sestu diben tar actuando na Casa la Cultura d'Avilés, nel marcu de les XVII Xuntes d'Escolines y Escolinos, pero... nun pudo ser, por culpa'l bichu.
La Estaya de la Llingua publicó esti videu pa recordar lo que foron toos estos años, nos que'l nuestru CRA enxamás faltó a la cita añal.

¡Tengo de volver vevos enriba d'un escenariu!

7/5/20

Pa que nun t'aburras

Hola, escolinos/es. Equí vos dexo recopilaos los talleres, cantares, visites guiaes, cuentacuentos... que nos regaló la Estaya de la Llingua d'Avilés.

CONCIERTÍN EN CASA CON DAVID VARELA
TALLERES DE CÓMIC CON RUMA BARBERO
MONÓLOGU D’ANA MORÁN
ESPOSICIÓN MIGUEL SOLÍS
VISITA A “LA NORIA”
VISITA GUIADA PER AVILÉS
FACIENDO UN LLIBRU CON SUSANA SELA
TALLER DE ROPA TRADICIONAL CON SUSANA SELA

30/4/20

Más cuentos on line

Agora ye la editorial del Grupu Epona la que nos ufierta unos cuantos cuentos. Tamién se puen descargar de baldre.
Equí tenéis l'enllaz:

27/4/20

Xeres pal tercer trimestre

Hola, escolines/os.

Pa trabayar esti tercer trimestre en casa, propóngovos unes xeres rellacionaes col llibru "La vuelta al mundu n'ochenta díes".

¡Que vos presten!

5/4/20

Más actividaes on line n'asturianu.

La Estaya de la Llingua d'Avilés programa'l ciclu La reciella en casa: “La cuarentena presta”.

Esti ye’l calendariu d’actividaes del ciclu La reciella en casa: “La cuarentena presta”:

Llunes 6: Cuentacuentos ‘La cuyarapa Martina’, con Ana Morán.
Martes 7: Cuentacuentos ‘La neña con ales’, con Borja Roces.
Miercoles 8: Taller ‘Faciendo un llibru, dibuxamos y escribimos’, con Susana Sela.
Xueves 9: Cuentacuentos ‘Risines’, con Ana Morán.
Vienres 10: Taller de cómic, con Ruma Barbero.
Sábadu 11: Mini conciertu, con David Varela.
Domingu 12: Taller de ropa tradicional, con Susana Sela.
Llunes 13: Taller de cómic II , con Ruma Barbero.

Tolos díes a les 12 hores.

Programa educativu "Educastur TV"

De llunes a vienres y de 10:30 a 11:30 hores nel canal A7 de la TPA y una hora más tarde nel A8, yá entamó a emitise un programa educativu qu'ufierta conteníos al alumnáu mientres la suspensión de l'actividá llectiva presencial pol estáu d'alarma.